Балкан Тендер Воч (2023-2024)

Проектот има за цел да ги детектира ранливите точки за корупција во системите за јавни набавки на земјите од Западен Балкан преку споредбен мониторинг и анализа засновани врз однапред утврдена и проверена методологија и консултации со засегнатите страни; да обезбедува навремени и сеопфатни информации и анализи за состојбите во јавните набавки на земјите од Западен Балкан, како и да предлага препораки за промени во системите за јавни набавки кои ќе придонесуваа кон намалување на корупцијата во јавните набавки на земјите од Западен Балкан.

Balkan Tender Watch е регионална антикорупциска коалиција на граѓански организации формирана во 2012 година околу идејата за стеснување на просторот за корупција во јавните набавки преку:

• идентификување точки во циклусот на јавни набавки кои се ранливи на корупција;

• разоткривање на коруптивни практики во мониторираните постапки за јавни набавки;

• предлагање и застапување за решенија кои ќе придонесат за намалување на корупцијата во јавните набавки во Западен Балкан.

Сегашни членки на Коалицијата се Центар за граѓански комуникации - ЦГК (Северна Македонија), Мрежа за афирмација на НВО секторот - МАНС (Црна Гора), Центар за применети европски студии - CPES (Србија), Агенција за развој на претпријатија - ЕДА (Босна и Херцеговина), Движење ФОЛ (Косово) и Центар Республика (Албанија).

Проектот се спроведува со финансиска поддршка од Фондација за отворено општество - Македонија.