Индекс на рационалност 3

Преземање на отпечатената верзијата Индекс на рационалност 3 и 4

Третиот индекс на рационалност е изработен за следните пет видови производи, односно услуги:

• писмен превод од македонски на англиски јазик;
• клима-уреди;
• физичко обезбедување;
• лаптоп-компјутери и
• ГПС уреди за возила.

Изборот на овие производи е направен како често користени производи и услуги од страна на институциите на национално и на локално ниво.

Сепак, со оглед на фактот што од една страна методологијата на изработка на индексот подразбира споредба на цени на најмалку пет институции, а од друга страна не секогаш се добиваат бараните информации од институциите или, пак, кога ќе се добијат, тие не се споредливи, за изработка на индексот за дел од избраните производи и услуги, освен во 2011 година, вклучени се и набавки реализирани во претходните години.

За да се обезбедат потребните податоци за изработка на индексот на овие пет производи (клима уреди, лаптоп-компјутери и ГПС уреди за возила), односно услуги (писмен превод и физичко обезбедување), ЦГК достави до институциите на национално и локално ниво 94 барања за слободен пристап до информации од јавен карактер.

Во изработката на индексите, цените на селектираните производи и услуги се обезбедуваа преку пристап до информациите од јавен карактер, кои беа доставувани до сите договорни органи чиишто набавки беа евидентирани на Електронскиот систем за јавни набавки. Идејата е, низ изработка на индексите на овие пет видови производи односно услуги, да се детектираат евентуалните разлики во цените и да им се помогне на договорните органи да ги осознаат движењата на цените за овие производи, односно услуги.

Индекс на рационалност 2

Преземање на отпечатената верзијата Индекс на рационалност 1 и 2

Индексот на рационалност за втората група на производи (втор квартален извештај) е изработен врз основа на споредба на цените за набавка на медицински потрошен материјал во секторот здравство. Со цел да се даде што е можно подобар приказ на состојбите во овој сектор, индексот е изготвен за  шест видови на производи и тоа:

• системи за трансфузија;
• системи за инфузија;
• шприцови;
• вата;
• платнени фластери и
• завој калико.

Изборот на овие производи е направен како најчесто користен потрошен материјал од страна на сите здравствени домови, болници и клиники. Целта беше да се утврди дали кај овие видови на производи, со оглед на нивната секојдневна употреба и фреквентна набавка, се создадени повоедначени цени меѓу добавувачите или постојат ценовни отстапувања. Цените на производите се обезбедуваа преку пристап до информации од јавен карактер кои беа доставувани до сите договорни органи од областа на здравството, регистрирани во Електронскиот систем за јавни набавки.

Facebook

Индекс на рационалност 1

ГЕНЕРАЛЕН ЗАКЛУЧОК

Индексот на рационалност се пресметува за првпат во Македонија и тој би требало да претставува еден вид инструмент на државните институции за подобрување на рационалноста при јавните набавки, односно во трошењето на јавните пари.

Во оваа прва анализа, индексот на рационалност е пресметан за пет предмети на набавки. Кај секоја од нив индексот покажува значајни разлики во цената, односно во вредноста по која различни државни институции ги купуваат анализираните производи и услуги. Соодносот меѓу најниската и највисоката цена кај еден час зимско одржување изнесува 1 : 2,5, кај еден тон индустриска сол е 1 : 5,5, кај еден топ стандардна хартија за фотокопирање изнесува 1 : 2, кај попустите во цената на маслото за греење ЕЛ-1 тој е 1 : 4, а во вредноста на склучените договори за новогодишно украсување изнесува 1 : 30. Притоа, треба да се има предвид дека кај најголем дел од анализираните случаи, наспроти економските законитости, пониските цени не се постигнати за купување на поголеми количини. Сево ова е показател дека државните институции мораат посериозно да настојуваат да ги трошат јавните пари порационално.

Освен разликите во цените, анализата покажува дека постојат големи разлики кај државните институции во условите под кои ги спроведуваат набавките на исти производи и услуги.

Имајќи го ова предвид, се наметнува потребата државните институции подетално да го истражуваат пазарот пред да ги објавуваат тендерите и да изберат пристап при набавките што ќе гарантира подомаќинско трошење на јавните пари.

11 Извештај од мониторингот на јавните набавки на локално нив: Многу ниска конкуренција на локалните тендери